27-га ліпеня з нагоды падпісання Дэкларацыі аб суверэнітэце Беларусі ў 1990-ым годзе музыка Лявон Вольскі выступіў з канцэртам насупраць гандлёвага цэнтра “Максімус” у сталічным мікрараёне Сухарава.
Імпрэза адбылася ў межах пікету па сбору подпісаў за вылучэнне кадыдадатам у дэпутаты намесніка старшыні руху “За свабоду” Алеся Лагвінца. Але галоўнай дзеючай асобай быў Вольскі.
Паслухаць і паспяваць песні разам з выбітным музыкам прыйшлі каля 1, 5 тыс. чалавек. Падтрыманыя мноствам галасоў, “Простыя словы”, “Ламай сістэму, ламай сцэнар”, “Госці” і “Тры чарапахі” гучалі па районе.
Падчас канцэрту музыка дзякаваў публіцы, жартаваў і віншаваў прысутных з Днём Незалежнасці. Акрамя Вольскага, у імпрэзе ўзялі ўдзел мастак Аляксандр Пушкін і паэтка Валярына Кустава. Вёў канцэрт тэлежурналіст Юры Жыгімонт.
Як паведамляе “Радыё свабода”, падчас канцэрту Лявона Вольскага, сямёра невядомых людзей намагаліся ўварвацца у кватэру, з якой адбывалася сілкаванне электрычнасцю для гукаўзмацняльніка.. Яны не назваліся, але спрабавалі тлумачыць, што занадта гучная музыка перашкаджае жыхарам раёну. У кватэру невядомых не ўпусцілі.
Марта Дзябёла
The EHU Times 